અમદાવાદમાં રમાનારી હાઈવોલ્ટેજ India-pakistan મેચ પહેલા ચાહકોનો ઉત્સાહ ચરમસીમાએ છે. અને સાથે જ લેભાગૂ તત્વો પણ સક્રિય થઈ ગયા છે. કારણ કે અમદાવાદમાંથી મેચની બનાવટી ટિકિટ પકડપાઈ છે. પોલીસે 100થી વધુ મેચની નકલી ટિકિટ કબ્જે કરી છે. અસલી ટિકિટ જેવી જ લાગતી આ મેચની નકલી ટિકિટ બનાવવામાં આવી અને તેને વેચવાનો કારસો હતો. જો કે, બ્લેકમાં નકલી ટિકિટ વેચાય તે પહેલા થયો પર્દાફાશ થયો છે. ટિકિટ સાથે એક યુવાન સાથે કુલ ચારની ધરપકડ કરવામાં આવી છે. ક્રાઈમ બ્રાંચે ગુનો નોંધી વધુ તપાસ હાથ ધરી છે. લેભાગુ તત્વોએ 2 હજારથી 10 હજાર રૂપિયાના મુલ્યવાળી નકલી ટિકિટો બનાવી હતી. 

India-pakistan મેચ પહેલા ક્રાઇમબ્રાન્ચે મોટી કાર્યવાહી કરી છે. બોડકદેવ દેવની ક્રિષ્ના ઝેરોક્ષની દુકાનમાં રેડ પાડી હતી. ક્રાઇમ બ્રાન્ચે 108 મેચની ડુપ્લીકેટ ટિકિટો, ટીકીટ પ્રિન્ટ કરેલ 25 પેજ કબજે કર્યા છે. 1 પેજ પર 3 ટિકિટની કલર પ્રિન્ટ બનાવી હતી. પરંતુ આ ટિકિટ માર્કેટમાં વેચાવા જાય તે પહેલાં ક્રાઇમબ્રાન્ચે આરોપીઓની ધરપકડ કરી છે. 2000 ના ભાવની બોગસ ટિકિટો બનાવાઈ હતી. ક્રાઇમ બ્રાન્ચે ટિકિટ સાથે ચાર આરોપીઓની ધરપકડ કરી છે. જેમાં એક યુવતી પણ સામેલ છે. 

14 ઓકટોબરે India-Pakistanની મેચ અમદાવાદના નરેન્દ્ર મોદી સ્ટેડિયમમાં યોજાવવાની છે. આ મેચ જોવા ક્રિકેટ રસિયાઓમાં ભારે ક્રેઝ જોવા મળી રહ્યો છે. મેચની તારીખ જાહેર થતાંની સાથે જ હોટેલ્સમાં રૂમ બુક ફૂલ થઈ ગયા છે તો કેટલીક હોટલના ભાડા 4થી 5 ગણાં વધી ગયા છે. જેને લઇને ભારત બહારથી આવતા ક્રિકેટ પ્રેમીઓએ હોસ્પિટલમાં રૂમ બુક કરાવ્યા છે. 14 ઓકટોબરે હોસ્પિટલમાં બોડી ચેક અપ કરાવી બહારથી આવેલા લોકો મેચ જોવા જશે.

• “દ રેમ્પ પ્રોજેક્ટ” દ્વારા અમદાવાદ ખાતે બહુમુખી નિઃશુલ્ક મેડિકલ કેમ્પનું આયોજન
• સુનિતા વિલિયમ્સ અને બુચ વિલ્મોરની 9 મહિના પછી ધરતી પર પાછા ફર્યા
• IRCTC દ્વારા સ્થાનિક પ્રવાસનને વેગ આપતું “Jain Yatra” ટ્રેન પેકેજ શરૂ
• ધોરણ 10ની પરીક્ષા શરૂ | કુલ 14.28 લાખ વિદ્યાર્થીઓ બોર્ડની પરીક્ષા આપશે
• IIT મદ્રાસ ખાતે ટેસ્ટ ટ્રેક લોન્ચ કરીને હાઇપરલૂપ ટ્રાવેલ તરફ ભારતનું મોટું પગલું

બોપલ સાંનિધ્ય હોસ્પિટલના ડોક્ટર પારસ શાહે જણાવ્યું છે કે, ‘14 ઓકટોબરે ભારત પાકિસ્તાનની મેચ છે. જેને લઈને સતત ઇન્કવાયરી આવી રહી છે. સામાન્ય દિવસમા ફાઈવ સ્ટાર હોટલના રૂમ 5થી 10 હજાર રૂપિયા સુધીમાં મળતા હોય તે 50 હજારથી 2 લાખ રૂપિયા સુધી ભરવા છતાં રૂમ મળતા નથી. એટલે હોસ્પિટલમાં રહેવા નિર્ણય કર્યો જેથી હેલ્થ ચેકઅપ પણ થઈ જાય અને મેચ પણ જોવાઈ જશે. વિદેશમાં બોડી ચેકઅપ કરાવવું ખૂબ મોંઘુ છે. એટલે પ્રવાસીઓને એક તીરથી બે નિશાન જેવું થયું છે. ઓછા ખર્ચમાં બોડી ચેકઅપ અને રહેવાની પણ વ્યવસ્થા થઈ જશે અને તે લોકોને મેચ પણ જોવાઈ જશે.’

હોસ્પિટલમાં રૂમ માટે અલગ અલગ પેકેજ રાખવામાં આવ્યા છે. 5 હજારથી 10 હજાર રૂપિયા સુધીના અલગ અલગ રૂમ છે. દરેક રૂમમાં એક દર્દી સાથે દર્દીના એક સગા માટે બેડ રાખવામાં આવ્યો છે. દર્દી માટેનું ડાયટ ખાવાનું મળશે અને દર્દીના સગા માટે રેગ્યુલર ખવાનું મળશે. હોસ્પિટલ ચટાકેદાર જમવાનું નહીં મળે પરંતુ દર્દી ઇચ્છે તો ઝોમેટો તથા સ્વીગી દ્વારા ફૂડ ઓર્ડર કરી શકશે. જેમાં અને છૂટછાટ આપી છે. આમ હોસ્પિટલમાં જ દર્દીને હોટેલ જેવી સુવિધા મળી રહેશે.’

તેઓ વધુમાં જણાવે છે કે, ‘14 ઓકટોબરે મેચ છે જેના માટે આફ્રિકા, USA અને UKથી મોટા સંખ્યામાં લોકો મેચ જોવા આવવાના છે. 13 ઓકટોબરે મધ્ય રાત્રિએ લોકો પહોંચશે જેમને હોસ્પિટલ એમન્યુલેન્સ કે હોસ્પિટલ ગાડી દ્વારા પીકઅપ કરવામાં આવશે. હોસ્પિટલમાં લાવ્યા બાદ વહેલી સવારે 6 વાગે મેડિકલ ચેકઅપ શરૂ કરવામાં આવશે. મેડિકલ ચેકઅપ બાદ બપોરે મેચ જોવા જશે. મેચ જોયા બાદ મોડી રાતે ફરીથી હોસ્પિટલમાં આવીને રોકશે. હોસ્પિટલથી 15 ઓકટોબરે ફરીથી એરપોર્ટ જશે.’